Общецерковная акция о просвещении нашего народа

1 июня, в день Святого Духа и Международный День защиты детей, во всех храмах Русской Православной Церкви в соответствии с резолюцией Святейшего Патриарха Московского и всея Руси Кирилла, о том что «сейчас надо направить все силы на борьбу с абортами», прошла общецерковная акция, во время которой на солее были установлены подсвечники на поминовение убиенных младенцев, а после Божественной Литургии была вознесена молитва с обращением к Святой Троице о просвещении нашего народа.

«О Троице Живоначальная! Боже Святый, Премудрый и Непостижимый!
Ты по образу Твоему совершенному и подобию предивному сотворил еси человека яко семью, да, множайшии числом и лицы разнящеся, в единении любве пребудем, хваляще Тя яко дети -Отца своего. Отпадших же нас не презрел еси, но и Сына Единороднаго Твоего дал еси, да не погибнем во веки. Сей Господь наш Иисус Христос, от Духа Свята в девственных ложеснах зачатся безсеменно, во спасение наше, явися на земли. И сложив нам, человеком, радости и горести наша совершение познал есть, яко и Самому регци Ему о жене раждающей, яже не помнит скорби за радость, яко родися человек в мир. Сей убо Господь наш от младенческих пелен изгнание и всякое лишение претерпе, паче же Иродовым скверноубийством детей незлобивых уязвися всемилостивое Его сердце.

И доныне, увы нам, паки и многажды оскверняется земля наша кровми сотен тысящ младенец безвинных, иже не проидоша врата жития сего, света не зревших, любве матерния яко и защиты отчия не познавших, крещения святаго не сподобившихся. Несть нам мира, пагубе среде нас умножившейся, несть облегчения вины, несть благословения всенароднаго от Бога Тя — Судии нелицеприятна. Вемы бо, Правосуде, гнев Твой, сопротивныя попадающий; вемы, Неложне, яко, аще назриши беззаконие, никтоже устоит; но вемы Тя — Бога кающихся, ко исправлению зовуща грешныя, яко у Тебе очищение есть.

Сего ради припадаем Ти, из глубины сердечныя взывающе: помилуй, Господи, помилуй нас, просвети умы и сердца упорствующих в лютом детоубийстве, обрати сих к покаянию истинному, примири со убиенными младенцами, настави на путь правды Твоея, укрепи немощныя в вере, на недвижимем камени заповедей Твоих утверди всех нас, яко от утробы матерния к Тебе привержени есмы, Господи — Упование наше, Господи — Мир наш, Жизнь наша, Господи.

О сем умильно призываем в молитву Пречистую Деву-Богородицу со святым Предтечею Иоанном, и святыя угодники Твоя, Господи: прежде мученики- младенцы Вифлеемския, вкупе со отроковицами славными Верою, Надеждою и Любовию с материю их премудрою, таже с венценосными отроки-страдальцы Димитрием и Алексием, вкупе со всеми царственными страстотерпцы и новомучениками Церкве Русския, изрядно же великаго Сергия, возгласившаго из утробы матерния Ти, Троице Живоначальней песнь хвалы, темже приими и наших сердец смиренное моление сие. Аминь».